կարևոր
871 դիտում, 3 շաբաթ առաջ - 2022-06-09 16:00

Լավրովի՝ Փարուխի մասին ասածից հետո առաջանում է շատ հետաքրքիր ու անսպասելի իրավիճակ․ Արթուր Ղազինյան

Լավրովի՝ Փարուխի մասին ասածից հետո առաջանում է շատ հետաքրքիր ու անսպասելի իրավիճակ․ Արթուր Ղազինյան

ՌԴ ԱԳ նախարար Լավրովն այսօր հայտարարեց, որ Արցախի Փարուխ գյուղի հետ կապված խնդիրը կլուծվի, ուշադրրություն, ԴԵԼԻՄԻՏԱՑԻԱՅԻ արդյունքում: Այս մասին գրել է «Հայաստան» խորհրդարանական խմբակցության պատգամավոր Արթուր Ղազինյանը։

«Եթե սա լեզվի սայթաքում կամ բնակավայրերի շփոթություն չէր, ապա առաջանում է շատ հետաքրքիր ու անսպասելի իրավիճակ:

Հաշվի առնելով այն փաստը, որ Փարուխ գյուղը գտնվում է Արցախում,  կարելի է ենթադրել, որ Ադրբեջանի հետ պետական սահմանի դելիմիտացիա պետք է անի ոչ միայն Հայաստանը, այլև Արցախը:

Իսկ դա նշանակում է, որ Լովրովի պնդմամբ, Արցախը Ադրբեջանի հետ պետք է ունենա դելիմիտացված սահման, ինչի հետևանքով կլուծվի ոչ միայն Փարուխից, այլ նաև Շուշիից, Հադրութից և այլ հայկական բնակավայրերից ադրբեջանական զինված ուժերը դուրս բերելու հարցը:

Սպասենք հետագա զարգացումներին․․․»։