կարևոր
487 դիտում, 1 օր առաջ - 2022-05-14 20:10

«Հայաստանում գործում է մեկ մարդու կամք». Ա. Իշխանյան. ՏԵՍԱՆՅՈՒԹ

Հայաստանում տեղի ունեցող խաղաղ հավաքներում ոչ միայն իրավապահների ու հավաքի մասնակիցների ուժերի հավասարության միջազգային սկզբունքը չի պահպանվում, այլեւ խաղաղ հավաքների մասնակիցներին ահաբեկում են դիպուկահարներով ու այլ միջոցներով, -  հավաքների ժամանակ ուժային կառույցների գործողությունների մասին իր զեկույցում այսպիսի հայտարարություն է անում «Հայաստանի Հելսինկյան կոմիտե» իրավապաշտպան կազմակերպության ղեկավար Ավետիք Իշխանյանը: Վերջինս անդրադարձավ նյութապես շահագրգռելու հիմքով  հանրային գործիչ Ավետիք Չալաբյանի կալանավորմանը նաեւ Հայաստանը իրավական պետություն է դրույթին:

Ավետիք Իշխանյանի խոսքով՝ Հայաստանում տեղի ունեցող իրադարձությունները ստալինյան ժամանակաշրջանն են հիշեցնում: Նա նշում է, որ 2018 թվականից հետո Հայաստանը հետընթաց է ապրել:

Իշխանյանը պատրաստվում է զեկույցը ներկայացնել միջազգային կառույցներին:

Հիշեցնենք, որ  Հայաստանում բողոքի ալիք բարձրացավ ՀՀ վարչապետ Նիկոլ Փաշինյանի` Արցախի վերաբերյալ հայտարարությունից հետո:

Ապրիլի 22-ին ԱԺ փոխնախագահ, «Հայաստան» խմբակցության պատգամավոր Իշխան Սաղաթելյանը հայտարարեց վարչապետ Նիկոլ Փաշինյանին եւ նրա թիմին իշխանությունից հեռացնելու փողոցային պայքարի մեկնարկի մասին: Իրավապաշտպան կառույցները այս օրերին բազմաթիվ խախտումներ են արձանագրել:

Մանրամասները՝ Լուսին Ղազարյանի տեսանյութում: