«Տղերքից պապիկ ծեծող տեսակ ստեղծելը անհնար է»․ Ա․ Գևորգյան ․ ՏԵՍԱՆՅՈՒԹ

Իրավապահները իրավական հետապնդման գործընթաց են ձեռնարկել «Դիմադրության» շարժման մասնակիցների նկատմամբ: Հայտնի «պապիկ ծեծելու» շինծու տեսանայութից հետո ՀՅԴ Հայաստանի երիտասարդական միության 4 անդամ` Տարոն Մանուկյանը, Գոռ Սարգսյանը, Արսեն Մարտոյանը, Գերասիմ Վարդանյանը եւ Գոռ Մաթեւոսյանը այս պահին անազատության մեջ են: 
Իշխանական լրատվամիջոցի կողմից տարածված տեսանյութում, հրապարակված չէ պապիկների վարքագիծը, որոնք հայհոյում, ձվերով հարվածում եւ թքում էին Գյումրի ընթացող ավտոշարասյան անդամների վրա: ՀՅԴ Երիտասարդական միության Կենտրոնական Վարչության անդամ Սեւակ Նազարյանի խոսքով ամեն իրավիճակում չէ, որ մարդը կարող է կառավարել իր նյարդերը, հատկապես տղամարդու արժանապատվությունը վիրավորելու պարագայում: 
Այս տղերքը վաղուց երդվել են ծառայել Հայաստանի եւ հայության ազատագրության դատին, եթե հարկ լինի, նաեւ կյանքի գնով,- այս մասին ֆեյսբուքյան գրառմամբ հայտարարել է ԱԺ փոխխոսնակ ՀՅԴ ԳՄ ներկայացուցիչ Իշխան Սաղաթելյանը: 
Զավեշտ է «խեղճ պապիկ» որակել մեկին, որը իր թոռների տարիքի տղաներին կարող է ամենավերջին հայհոյանքները հասցնել,- շեշտեց ՀՅԴ ԳՄ անդամ Արգիշտի Գեւորգյանը: 
Կալանավորված երիտասարդներից ՀՅԴ երիտասարդականի անդամ Տարոն Մանուկյանը փաստաբանի միջոցով կոչ է արել բոլորին՝ չվախենալ, չլռել եւ չկորցնել հավատը: 
Իշխանական ցուցումներով ճնշումները տարբեր դրսեւորումներ ունեն: Ընդդիմադիր քաղաքացիների դեմ գործ են կարում տարբեր պատճառներով՝ համոզված են երիտասարդների գործերից լավատեղյակ իրավապաշտպանները: 

Մանրամասները՝ Անի Նահապետյանի տեսանյութում