կարևոր
775 դիտում, 11 ամիս առաջ - 2021-07-15 11:44

Ներկայիս խորհրդարանը չպետք է նոր օրենքներ ընդունի. Էդմոն Մարուքյան

Ներկայիս խորհրդարանը չպետք է նոր օրենքներ ընդունի. Էդմոն Մարուքյան

Ներկայիս խորհրդարանը չպետք է նոր օրենքներ ընդունի: Այս մասին գրել է ՀՀ ԱԺ «Լուսավոր Հայաստան» խմբակցության ղեկավար Էդմոն Մարուքյանը:

«Ինչպես տեղյակ եք, այսօր խորհրդարանում հրավիրված է արտահերթ նիստ, որի օրակարգում ընդգրկված են մի շարք վիճահարույց նախագծեր։

Սակայն կա այլևս ընտրված նոր խորհրդարան, որը շուտով կստանձնի մանդատները։ Ներկայիս խորհրդարանը չպետք է նոր օրենքներ ընդունի. դրանք պետք է քննարկի, ընդունի կամ մերժի նոր ձևավորվող 8-րդ գումարման Ազգային ժողովը։

Հետևաբար, «Լուսավոր Հայաստան» խմբակցությունը չի քննարկելու այդ նախագծերը և չի մասնակցելու այդ օրակարգով հրավիրված Ազգային ժողովի արտահերթ նիստին»։