Եվրոպայի չեմպիոնն Իսպանացիներն են. նրանք հաղթեցին խոշոր հաշվով վիդեո

11:12 . 02/07

"Եվրո-2012"-ի չեմպիոնը Իսպանիայի հավաքականն է: Եզրափակիչ խաղում Վիսենտե Դել Բոսկեն եւ իր թիմը 4:0 հաշվով առավելության հասան Իտալիայի նկատմամբ:

Իսպանացիները երրորդ խոշոր մրցաշարն են ավարտում հաղթանակով, դեռ ոչ մի թիմի այսպիսի հերոսություն գործել չի հաջողվել: Եվրոպայի առաջնության մեդալակրի կոչումը շարունակում է մնալ Իսպանիայի ձեռքերում:

Իսպանացիներն անցկացրին իրենց լավագույն հանդիպումը, որն աչքի ընկավ թե՛ դիտարժանությամբ, թե՛ խփված գեղեցիկ գոլերով, որոնցից յուրաքանչյուրը դարձավ պատմություն: 14-րդ րոպեին հաշիվը բացեց Դավիթ Սիլվան, այնուհետեւ 41-րդ րոպեին այն կրկնապատկեց Խորդի Ալբան: 84-րդ րոպեին փոխարինման դուրս եկած Ֆերնանդո Տորերսը իսպանացիների առավելությունն իտալացիների նկատմամբ եռապատկեց: Իսկ Եվրոպայի առաջնությունում առաջին անգամ խաղադաշտ դուրս եկած Խուան Մատան 88-րդ րոպեին ձեւակերպեց թե՛ Իսպանիայի չեմպիոնությունը, եւ թե՛ Իտալիայի խոշոր հաշվով պարտությունը:

Հանդիպման լավագույն ֆուտբոլիստն այս անգամ եւս կիսապաշտպան Անդրես Ինյեստան է, ով Իսպանիայի հավաքականի կազմում փայլում էր յուրաքանչյուր հանդիպմանը:

Նշենք, որ 2014 թվականի Աշխարհի առաջնության նախընտրական փուլի երրորդ հանդիպումը Հայաստանի ազգային հավաքականը կանցկացնի Եվրոպայի փոխչեմպիոնի հետ: