Գեղարվեստի ակադեմիայի ուսանողուհուն փրկելու համար ակցիները շարունակվում են վիդեո

19:44 . 27/06

Ընկերները, հարազատներն ու անծանոթ մարդիկ շարունակում են պայքարել 22-ամյա Նելլի Ադամյանի կյանքը փրկելու համար: Երեւանի գեղարվեստի պետական ակադեմիայի դիզայնի բաժնի ուսանողուհին հիվանդ է սուր լեյկոզով եւ արդեն մի քանի ամիս է` բուժվում է Մոսկվայում:

Բժիշկները վստահեցնում են, որ ոսկրածուծի փոխպատվաստման դեպքում բուժման հավանականությունը մեծ է: Բայց բուժման համար անհրաժեշտ 180 հազար դոլարը ընտանիքը վճարել չի կարողանում: Ընկերներն ու դասախոսներն արդեն մի քանի ցուցահանդես-վաճառք են կազմակերպել, փողոցում երթ-դրամահավաք անցկացրել, պատրաստում են բարեգործական նոր միջոցառումներ:

Ընկերներն ասում են` երբեմն մարդիկ իրենց վերջին դրամն են տալիս, բայց հավաքված դրամն անհրաժեշտ գումարի փոքր տոկոսն է միայն: Գործարարներին դիմումներն առայժմ անարձագանք են: Հարազատներն ու ընկերները չեն հուսահատվում, նորից խնդրում են մեծ ու փոքր նվիրատվություններով օգնել Նելլին:

Այդ նպատակով բացվել է helpnelli.info կայքը, որտեղ նշված է հաշվեհամարը, կան տեղեկություններ Նելլի հիվանդության, բուժման ընթացքի մասին: