Գիտնականները միմյանց անչափ մոտ եւ իրարից լրիվ տարբեր 2 մոլորակ են հայտնաբերել

13:16 . 22/06

Ամերիկացի աստղագետները "Կեպլեր" տիեզերական աստղադիտակի օգնությամբ երկու մոլորակ են հայտնաբերել, որոնք գտնվում են ռեկորդային փոքր հեռավորության վրա, տեղեկացնում է "ԻՏԱՌ-ՏԱՍՍ"-ը:

Գիտնականների խոսքերով` երկու մոլորակները գտնվում են միմյանցից 1.9 մլն կմ հեռավորության վրա, ինչն անչափ փոքր հեռավորություն է` հաշվի առնելով մինչ օրս հայտնաբերված մոլորակները:

"Կեպլեր 36 b" և "Կեպլեր 36 c" անվանված մոլորակները պտտվում են մի աստղի շուրջ, որը տեղակայված է Երկրից մոտ 1.2 հազ լուսնային տարվա հեռավորության վրա:

Գիտնականների կարծիքով` հավանական է, որ այդ մոլորակը նման է Արևին և մի քանի մլրդ տարով ավելի տարեց է:

"Կեպլեր 36 b"-ն, որի չափը 1.5 անգամ գերազանցում է Երկիր մոլորակին, մոտ երկու շաբաթում պտտվում է աստղի շուրջ, իսկ "Կեպլեր 36 c"-ն` 16 օրում: Յուրաքանչյուր 97 օրը մեկ այդ երկու մոլորակները մաքսիմալ մոտենում են իրար:

 

"Սա անսովոր համակարգ է, երկու մոլորակներն անչափ մոտ են գտնվում իրար, սակայն դրանք բացարձակ նման չեն",- ասել է Հարվարդ Սմիթսոնի աստղաֆիզիկայի կենտրոնի մասնագետ Ջոշ Քերթերը: