Ուսանողներին իրենց ընկերուհու՝ Նելլիի հետ պայքարում են նրա փրկության համար եւ հավատում վիդեո
15:19 . 02/06
"Փրկենք մեր շնորհալի ուսանողուհու կյանքը". այս պաստառով են դիմավորում Երեւանի գեղարվեստի պետական ակադեմիա մտնողներին: Շուտով մեկ ամիս կլինի, որ ակադեմիայի ուսանողներն ու դասախոսները տարբեր նախաձեռնություններով գումար են հավաքում` օգնելու համար Նելլին, ով հիվանդ է սուր լեյկոզով եւ քիմիաթերապիայի հերթական կուրսն է անցնում Մոսկվայում:
Բժիշկները վստահեցնում են, որ ոսկրածուծի փոխպատվաստման դեպքում բուժման հավանականությունը մեծ է: Նելլին արդեն մի քանի ամիս է` Մոսկվայում է, եւ ընտանիքն այլեւս հնարավորություն չունի վճարել բուժման համար անհրաժեշտ հսկայական գումարը: Ընկերներն ու դասախոսներն արդեն մի քանի ցուցահանդես-վաճառք են կազմակերպել, փողոցում երթ-դրամահավաք անցկացրել: Պատրաստվում են նոր միջոցառումների: Ասում են` մինչեւ վերջ պայքարելու ենք Նելլի կյանքի համար:
"Փորձել ենք ամեն բան անել, ոչինչ բաց չթողնել: Անգամ երբ ասում էին` անհնար է այդ ուղղությամբ որեւէ բան ձեռք բերել, մենք, միեւնույն է, աշխատում էինք նաեւ այդ ուղղությամբ: Հավատում ենք, որ կհավաքվի համապատասխան գումար: Անում ենք ամեն ինչ, շնորհակալ ենք բոլորին, ովքեր օգնում են, մեր կողքին են",- ասաց ուսանողուհի Սուսաննա Ֆարմանյանը։
Ակադեմիայի 2 մասնաշենքում տուփեր են տեղադրված: Ուսանողները, դասախոսները, բոլորն իրենց լուման ունեն այստեղ:
"Միշտ լիքն է լինում, մի քանի անգամ օրվա ընթացքում դատարկվում է: Բոլորն օգնում են, նույնիսկ գիտեմ շատերին, որ ընդամենը 100 դրամ են թողնում, որ տուն գնան, իսկ իրենց ընթրիքի ու ամբողջ օրվա գումարը դնում են տուփի մեջ",- ասաց Արփինե Պետրոսյանը։
Նելլին դիզայնի բաժնի ուսանող է եւ եթե հիվանդությունը չխանգարեր, այս օրերին ընկերների հետ կպաշտպաներ մագիստրոսական թեզը: Դիզայնի եւ դեկորատիվ կիրառական արվեստի ֆակուլտետի դեկան Ավետիք Ավետիսյանն ուսանողների հետ քննարկում է առաջիկա ցուցահանդես-վաճառքի մանրամասները: Ասում է` մեր միջոցները մեր արվեստն է, այսպես ենք օգնում մեր շնորհալի ուսանողուհուն:
"Մեզ ամոթ է, որ ուսանողները փողոցում մուրան, որ փրկեն իրենց ընկերուհուն: Ես կարծում եմ, որ մարդիկ կան, ովքեր էդ հնարավորությունն ունեն եւ կարող են օգնել Նելլիին: Օգնե՛ք, խնդրում եմ, Նելլիին",- ասաց Երեւանի գեղարվեստի պետական ակադեմիայի դիզային եւ դեկորտաիվ կիրառական արվեստի ֆակուլտետի դեկան Ավետիք Ավետիսյանը։
Երիտասարդ նկարիչ Խաչիկ Եղիկյանի առաջին անհատական ցուցահանեսն է Թերլեմեզյանի անվան գեղարվեստի պետական քոլեջում: Թեեւ Նելլին անձամբ չի ճանաչում, բայց ցուցահանդես-վաճառքով փորձելու է օգնել նրան:
Հունիս 5-ին Նարեկացի արվեստի միությունում կբացվի հերթական ցուցահանդեսը` "Օգնենք Նելլիին" խորագրով: Պաստառին Նելլի "Փրկվածը" քանդակն է: Ընկերները ոգեւորված են` կարեւորը Նելլին լավատես է եւ հավատում է, որ կբուժվի:
Նելլի բուժման ծախսերը հոգալու համար բացվել է helpnelli.info կայքը, որտեղ կան տեղեկություններ Նելլի հիվանդության, բուժման ընթացքի մասին: Նվշած է նաեւ HSBC բանկում բացված հաշվեհամարը` Նունե Ադամյանի անունով:
Հաշվեհամարն է 00 31 50 76 00 01
Լրահոս - վերջին 20 նորությունները
- 19:26 . 19/06 Սոցապահովության բաժնի վարիչը զոհվածի այրուց կաշառք է պահանջել եւ ստացել
- 18:14 . 19/06 Ըմբշամարտի Եվրոպայի պատանեկան առաջնությունում արծաթե մեդալներ ունենք
- 18:08 . 19/06 Մխիթարյանի տրանսֆերի հարցը կարծես լուծված է
- 17:58 . 19/06 Հադրութի շրջանի Հին Թաղերում մարդկանց պահողը հույսն է վիդեո
- 16:28 . 19/06 Նախարարն, ըստ էության, հաստատեց` 20 տոկոսն էլ կտան "Գազպրոմին"
- 16:25 . 19/06 Ռադիոհեռարձակման թվայնացման ժամկետը երեք տարով կերկարաձգվի
- 16:02 . 19/06 Գյուղատնտեսության նախարարը հանդիպել է Ամասիայում ցույցի դուրս եկած գյուղացիների հետ վիդեո
- 15:54 . 19/06 Սամարայի շրջանում զինամթերքի պահեստում երեկ բռնկված հրդեհը մարել դեռ չի հաջողվում
- 15:06 . 19/06 Վլադիմիր Գասպարյանը Գորիսում տեղի ունեցածը "վատ դեպք" է որակում վիդեո
- 14:37 . 19/06 ԼՂՀ ԱԳ նախարարը մեկնաբանել է եռանախագահների հայտարարությունը
- 14:07 . 19/06 Օֆշորային եռյակի հիմնադիր Սուքիասյանը պատմել է եղելությունը. նամակ դատախազությանը եւ "Հետքին" վիդեո
- 13:44 . 19/06 Ոստիկանապետը կաղոթի ցույցերի խաղաղ ընթացքի համար. Արզնիում զորավարժություններ են եղել վիդեո
- 13:03 . 19/06 Մերկելի կուսակցությունն էլ դեմ է Թուրքիայի՝ Եվրոպական միությանն անդամակցությանը
- 12:46 . 19/06 Երեւանում մեկնարկել է "Մասնակցային ժողովրդավորությունը տեղական մակարդակում" թեմայով միջազգային համաժողովը
- 12:16 . 19/06 Աշխարհում փախստականների թիվը աննախադեպ չափով ավելացել է
- 12:02 . 19/06 Օբաման պաշտոնական այցով առաջին անգամ Գերմանիայում է
- 11:47 . 19/06 Հայ Դատն արձագանքել է համանախագահների հայտարարությանը
- 11:42 . 19/06 Գիշերը հրդեհ է բռնկվել Մարտիրոս Սարյանի տուն-թանգարանում
- 11:03 . 19/06 Օֆշորային եռյակի գործից նոր բացահայտումներ. Սուքիասյանը նոր նամակ է գրել՝ բացելով եռյակի գաղտնիքը
- 21:11 . 18/06 ՀՀԿ-ն զարմանում է, իսկ Վերահսկիչը խոստանում՝ ավելի շատ գործեր ենք ուղարկելու դատախազություն, վիդեո