13:58 . 24/05
Արամ Ա կաթողիկոսը, ով այս օրերին գտնվում է Իրանում, դատապարտել է Սիրիայի Հոմս քաղաքի հայոց եկեղեցու դեմ հարձակումը։ Իր հայտարարության մեջ կաթողիկոսը նշում է, որ ".... Կրոնական-եկեղեցական կենտրոնների եւ սրբությունների դեմ հարձակումը խստորեն դատապարտելի է մեր կողմից":
Թեհրանի "Ալիք" օրաթերթի փոխանցմամբ, Արամ Ա-ն հույս է հայտնել, որ Սիրիան շուտով կվերագտնի իր խաղաղությունը եւ ժողովրդային միասնությունը։
".... Հայ ժողովուրդը միշտ երախտապարտ կլինի Սիրիա ժողովրդին, որը ժամանակին իր գիրկն է առել հայ ժողովրդի զավակներին՝ Թուրքիայում Ցեղասպանությունից մազապուրծ եղած հայորդիներին, հայ ժողովուրդն, ինչպես միշտ, իր մասնակցությունը պիտի բերի Սիրիայի ծաղկմանն ու հատկապես խաղաղությանն ու կայունությանը",- շեշտել է Մեծի Տանն Կիլիկիո կաթողիկոս Արամ Առաջինը: