10:41 . 18/05
Մայիսի 17-ին Ֆլորիդայի նահանգում 63 տարեկան հասակում մահացել Է ամերիկացի լեգենդար երգչուհի, հանրաճանաչ՝ "դիսկոյի թագուհի" Դոննա Սամերը, ով, ինչպես հաղորդում են լրատվամիջոցները, երկար ժամանակ տառապում Էր քաղցկեղից:
Սամերը եղել Է 1970 – 80-ական թվականներին դիսկո երաժշտության հիմնադիրներից եւ գլխավոր աստղերից մեկը: Նա դարձել Է երաժշտության պատմության մեջ առաջին երգչուհին, ում սինգլները մեկ տարում չորս անգամ բարձրացել են ամերիկյան Billboard Hot 100 գլխավոր չարտի հիթ-շքերթի գագաթը: Ամբողջ աշխարհում վաճառվել Է նրա ավելի քան 130 միլիոն ձայնագրություն:
2008 թվականին 17-ամյա ընդմիջումից հետո Դոննա Սամերը թողարկել Է իր նոր ստուդիական ալբոմը՝ "Crayons"-ը:
Սամերն արժանացել Է "Գրեմմի"-ի վեց երաժշտական պարգեւների: 1992 թվականին նրա անվամբ աստղ Է տեղադրվել Հոլիվուդի փառքի ծառուղում: