11:16 . 27/04
Վրաստանի ներքին գործերի նախարար Վանո Մերաբիշվիլին, ում լրատվամիջոցները հաճախ անվանում են նախագահ Միխաիլ Սաակաշվիլիի "աջ ձեռքը", ողջունել է ռուսական ընկերությունների ներդրումները, եթե դրանք ծառայում են ի շահ երկրի:
"Մենք ողջունում ենք յուրաքանչյուր ներդրողի, այդ թվում` Ռուսաստանից: Վրաստանում ռուսական ներդրումների 80% -ը պետական ընկերություններին են պատկանում",- ըստ tert.am-ի՝ հավելել է նախարարը:
Մերաբիշվիլին ընդգծել է, որ ռուսական ընկերությունները մտադիր են մեծ միջոցներ ներդնել հատկապես Վրաստանի էներգետիկ ոլորտում` նշելով, որ "փողերը չեն բուրում":
"Վրաստանը ողջունում է յուրաքանչյուր ներդրողի, ում աշխատանքը ծառայում է Վրաստանի շահերին",- ասել է նա: