Մինչ այդ Լեռնային Ղարաբաղի Հանրապետությունը գտնվում էր տնտեսական շրջափակման մեջ: Դադարեցված էր գազի եւ էլեկտրաէներգիայի մատակարարումը: Սնունդ, դեղորայք, ռազմամթերք, վառելիքի նվազագույն քանակ հնարավոր էր հասցնել միայն ուղղաթիռներով եւ ուղեւորատար ինքնաթիռներով: Լաչինի ազատագրումը դարձավ Շուշի-Լաչին գործողության ավարտը:

Նա, մասնավորապես, անդրադարձել է շախմատի մասսայականացմանը եւ դպրոցներում շախմատի ուսուցմանը, հայ շախմատիստների հաջողություններին, կատարվելիք աշխատանքներին:

Հաշվետվությամբ հանդես է եկել նաեւ վերստուգիչ հանձնաժողովի նախագահը: Նա նշել է, որ ֆեդերացիան իր գործունեությունն իրականացրել է կանոնադրության համաձայն եւ ֆինանասկան միջոցներն էլ ծախսվել են նպատակային:

Կոնֆերանսի մասնակիցները միաձայն "Շախմատի ֆեդերացիայի" նախագահ են վերընրել միակ թեկնածու Սերժ Սարգսյանին:

Կառավարության շենքի դիմաց նաեւ միջադեպ է եղել ոստիկանների և զոհված զինծառայողների ծնողների ու քաղաքացիական ակտիվիստների միջև: Բողոքի ակցիայի շրջանակներում զոհված զինծառայողների մայրերը պահանջում էին, որ վարչապետ Տիգրան Սարգսյանն իջնի ու պատասխանի իրենց հարցերին, թե ինչո՞ւ են այսօր Ոստիկանության, Պաշտպանության նախարարության և Ռազմական ոստիկանության աշխատակիցները փակել զոհված զինծառայող Լյուքս Ստեփանյանի դին Երևան տեղափոխող քաղաքացիների ճանապարհը:

"Մենք վարչապետին աշխատավարձ ենք տալիս՝ ոչ թե աշխատասենյակում նստելու, այլ քաղաքացիների հարցերին պատասխանելու համար: Թող գա պատասխան տա, թե զինվորներն ու ոստիկաններն ինչ իրավունք ունեն ճանապարհ փակելու",- ըստ hetq.am-ի՝ ասում էր բանակում զոհված զինծառայողի մայր Նանա Մուրադյանը:

Վարչապետի փոխարեն կառավարության շենքից դուրս է եկել կառավարության աշխատակազմի քաղաքացիների ընդունելության և դիմումների քննարկման վարչության պետ Ալեքսանդր Ղազարյանը:

Նա հավաքվածներին համոզել էր իր հետ խոսել իրենց հուզող հարցերի վերաբերյալ, սակայն քաղաքացիները պահանջել են վարչապետին:

"Վարչապետն է որոշում, թե երբ իջնի",- պատասխանել է կառավարության աշխատակազմի ներկայացուցիչը:

Տեսնելով, որ վարչապետն իրենց ընդունելու ցանկություն չունի՝ զոհված զինծառայող Տիգրան Օհանջանյանի մայրը՝ Գոհար Սարգսյանը, փորձել է մտնել կառավարության շենք: Նրա հետևից գնացել են նաև մյուս ծնողները: Այդ պահին ոստիկանները հավաքվել են և պատ կազմելով արգելել են քաղաքացիների մուտքը կառավարության շենք:

hetq.am-ը գրում է, որ կառավարության շենքի ներսում հսկողություն իրականացնող համազգեստավորները ժպտացել են: Ծնողներից մեկը, տեսնելով նրանց արարքը, սկսել է կոշիկով ու պայուսակով հարվածել ապակեպատ դռանը և վանկարկել՝ "տականքներ, դուք էլ երեխաներ ունեք":

Եկել են ոստիկանական նոր խմբեր, որոնց աշխատանքը համակարգել է Երևանի փոխոստիկանապետ Վալերի Օսիպյանը: Ոստիկանները պատ կազմելով՝ քաղաքացիներին հրելով իջեցրել են ներքև:

Մարդիկ դեռ հավաքված են կառավարության շենքի դիմաց, վարչապետը նրանց չի հանդիպել: Այստեղ նաեւ մոմավառություն է կազմակերպվել։

Այս որոշումները կապված են մայիսի 15-ին ՊՆ զորամասերից մեկում տեղի ունեցած միջադեպի հետ, որի հետեւանքով սպանվել է ժամկետային զինծառայող Լյուքս Ստեփանյանը, եւս մեկ զինվոր ծանր վիրավորվել է։ 

Մասնավորապես, Ղազախստանում TeliaSonera-ին է պատկանում Kcell բջջային օպերատորը, իսկ Ադրբեջանում՝ Azercell-ը:

"Ազատություն" ռադիոկայանի ադրբեջանական ծառայության հաղորդմամբ՝ նախկին խորհրդային երկրների ղեկավարությունները TeliaSonera-ին կասկածում են հատուկ ծառայությունների հետ համագործակցելու մեջ: Տեղեկությունների համաձայն՝ TeliaSonera-ն թույլ է տվել հատուկ ծառայություններին գաղտնալսել իշխանությունների բարձրաստիճան ներկայացուցիչների, ինչպես նաեւ ընդդիմադիր ակտիվիստների հեռախոսազրույցները: Մասնավորապես, Ադրբեջանում TeliaSonera-ի ներկայացուցիչ Azercell օպերատորը թույլատրել է Ադրբեջանի հատուկ ծառայություններին` գաղտնալսել ընդդիմադիր լրագրողների հեռախոսազրույցները:

Տեսանյութում պատկերված են նաեւ սիրիական սահմանից ոչ հեռու՝ Գոլանի բարձունքներում տեղակայված իսրայելական տանկերը: Ամերիկյան հեռուստաընկերությունը հայտնում է, թե նրանց առաջադրանքն է կանխել Սիրիայից զինյալների հնարավոր ներթափանցումը: Մինչդեռ տվյալ շրջանում ծանր տեխնիկայի առկայության փաստը խախտում է 1973 թվականին կնքված հրադադարի մասին պայմանագիրը:

Թել Ավիվը մեկնաբանություն չի տարածել տարածված տեսանյութի առնչությամբ:

Երեւան-Սեեւան մայրուղում նրանց փորձել են խոչընդոտել ոստիկանները, եւ զոհված զինվորի ու նրանց միջեւ բախում է եղել։ 

Մեր նկարահանող խումբը եւս դեպքի վայրում է, քիչ անց կներկայացնենք մանրամասները եւ տեսանյութը։

Լուսանկարը՝ lur.am-ի

Սառնարանային համալիրը բացվել է վարչապետի մասնակցությամբ, 2011 թվականին։ "Սպայկայի" գլխավոր տնօրեն Դավիթ Ղազարյանն, անդրադառնալով հասցված վնասի չափերին, նշել է, որ 15 հազ. քմ տարածք զբաղեցնող եւ 12 հազ. տոննա տարողությամբ սառնարանային տնտեսությունը, որն ամբողջությամբ այրվել է, ապահովագրված է եղել:

Նրա խոսքով ապահովագրական ընկերությունն արդեն տեղյակ է տեղի ունեցածի մասին եւ բոլոր համապատասխան գործընթացներն արդեն սկսվել են: Նա չի մանրամասնել, թե որ ապարհովգրական ընկերության մասին է խոսքը։

Հարցին, թե արդյոք "Սպայկա" ընկերությունը կօգտվի՞ այն օժանդակությունից, ինչի մասին երեկ Կառավարության նիստին հայտարարեց ՀՀ վարչապետ Տիգրան Սարգսյանը, վերջինս նշել է, որ հարցի շուրջ բանակցություններ են ընթանում:

Դավիթ Ղազարյանը վստահեցրել է, որ մթերման աշխատանքները չեն դադարեցրել, իրենք գրեթե ոչ մի ֆերմերի պարտք չեն, իսկ ում պարտք են, ամբողջը կմարեն 7 օրվա ընթացքում:

Առայժմ հայտնի չէ հրդեհի բռնկման պատճառը։ Սպասում են հետաքննության եզրակացությանը։

Միասեռ ամուսնությունների օրինականացումն Օլանդի նախընտրական առանցքային խոստումներից մեկն էր: Օրինագիիծը, սակայն, վերջին ամիսներին թեժ քննարկումների եւ զանգվածային բողոքի ակցիաների պատճառ էր դարձել Ֆրանսիայում: Դրան կտրականապես դեմ էր աջակողմյան ընդդիմությունը:

Չնայած բոլոր բողոքներին՝ օրինագիծը հաղթահարեց խոչընդոտները, որոնցից վերջինը՝ մայիսի 17-ին, երբ Ֆրանսիայի Սահմանադրական խորհուրդն ընդունեց, որ միասեռ ամուսնությունների մասին օրենքը համապատասխանում է երկրի հիմնական օրենսդրությանը: 

Փաստի առթիվ նախարարության քննչական ծառայությունում նախապատրաստվում են նյութեր: Նախարարությունը կիսում է ծանր կորստի վիշտը եւ իր զորակցությունը հայտնում Արմեն Ղուդաբաշյանի ընտանիքի անդամներին, հարազատներին եւ ծառայակիցներին:

Երթը, որին մասնակցել է ընդամենը 20 մարդ, Վրաստանում արտոնվել էր առաջին անգամ, ինչը, սակայն, բողոքի լուրջ ալիք է բարձրացրել երկրում: Նրանց դեմ բողոքի ակցիայի դուրս եկած ամբոխի ճնշմանը չի կարողացել դիմակայել անգամ ոստիկանությունը:

Երթի կազմակերպիչները ցանկացել են ակցիա իրականացնել խորհրդարանի մոտ, սակայն Թբիլիսիի Ազատության հրապարակում հավաքվել են նաեւ սեռական փոքրամասնությունների հակառակորդները, այդ թվում՝ հոգեւորականներ:

Բախումից խուսափել չի հաջողվել: Ոստիկանները կարողացել են միասեռականներին տեղափոխել մոտակա ավտոբուսներ, որոնք հատուկ պատրաստված են եղել իրադարձությունների զարգացման նմանատիպ սցենարի համար: Սակայն ամբոխը սկսել է քարկոծել ավտոբուսը եւ կոտրել է մեքենայի ապակիները:

Վրաց պատրիարք Իլյա 2-րդը նախապես դիմել էր Թբիլիսիի քաղաքապետարանին՝ թույլ չտալու համար մայրաքաղաքում շքերթի անցկացումը: Սակայն քաղաքապետարանը մերժել է նրան՝ ընդգծելով, որ դա քաղաքացիների սահմանադրական իրավունքն է:

Ընդ որում՝ հայկական կողմի ցանկը շատ երկար է՝ լրատվամիջոցներ, հասարակական կազմակերպություններ, քաղաքական կուսակցություններ, պետական եւ դատական կառույցներ, առեւտրային կազմակերպություններ։ Միակ բացառությունը նախատեսվում է անել Ադրբեջանի կենտրոնական իշխանության այն ներկայացուցիչների համար, ովքեր ընդգրկված են Հայաստանի հետ խաղաղ բանակցություններում կամ ունեն Խորհրդարանի սահմանած հատուկ արտոնություն։

Այսինքն, եթե հաստատվի այդ օրենքն, անգամ ադրբեջանական դեսպանատների աշխատակիցները կամ ասենք՝ Եվրախորհրդի խորհրդարանական վեհաժողովի ադրբեջանցի պատվիրակները չեն կարող որեւէ քայլ անել հայկական կողմի ներկայացուցիչների հետ։

Իհարկե, այս դեպքում մեծ խնդիր կունենան մի շարք միջազգային կազմակերպություններ, ովքեր պարբերաբար կազմակերպում են հայ-ադրբեջանական կլոր սեղաններ եւ սեմինարներ։

Հանդիպմանը, որին մասնակցել է նաեւ ԵԱՀԿ գործող նախագահի անձնական ներկայացուցիչ Անջեյ Կասպշիկը, քննարկվել են բանակցությունների առաջընթացի հնարավոր ուղիները:

Նախարարները մտքեր են փոխանակել ընթացիկ իրավիճակի վերաբերյալ եւ վերահաստատել են իրենց հավատարմությունը՝ խաղաղության առաջընթացի ուղղությամբ:

Համանախագահները կրկին հայտարարել են լարվածությունը սրող կամ խաղաղ գործընթացին վնասող գործողություններից կամ հռետորաբանությունից զերծ մնալու անհրաժեշտության մասին:

Միջնորդները քննարկել են վստահության ամրապնդման մի շարք միջոցներ, որոնք կօգնեն բարենպաստ մթնոլորտի ստեղծմանը: Այդ հարցերը Հայաստանի եւ Ադրբեջանի նախագահների հետ քննարկելու համար համանախագահներն այս ամսվա վերջին կայցելեն տարածաշրջան: 

Նրա խոսքով, "ՀայՌուսգազարդի" քայլն անակնկալ չէր, քանի որ ընկերությունն իր գործունեության ընթացքում միտում է որդեգրել՝ պաշտպանել բարձր շահութաբերությունը: Գագիկ Մակարյանը դժգոհել է նաեւ այն փաստից, որ "ՀայՌուսգազարդն" իր թանկարժեք գրասենյակները, մեքենաներն ու անիմաստ մեծ թվով աշխատակիցների բարձր աշխատավարձերն ապահովում է հասարակության հաշվին:

Գազի թանկացումով ամբողջ տնտեսությունն է թանկանալու, ըստ Գագիկ Մակարյանի, գուցեեւ որոշ ընկերություններ իրենց շահույթի հաշվին փոխհատուցեն գազի գինը: Իսկ սա կհանգեցնի այլ ապրանքների գների բարձրացման եւ տնտեսության հիմքերի խարխլման:

Լրագրողների հետ հանդիպման ժամանակ բանախոսն անդրադարձել է նաեւ կառավարության՝ գազի սակագինը 30 տոկոսով սուբսիդավորելու որոշմանը՝ այն որակելով անտրամաբանական եւ "շատ հանելուկային":

Բողոքի ալիքն ամբողջ գյուղում է, առանց այդ էլ աշխատանքի լուրջ խնդիր ունեցող երկրում թեկուզ եւ մեկ աշխատատեղի նվազումը՝ հատկապես մարզերում, բավականին ցավոտ հարց է դառնում:

Կենտրոնի տնօրեն Լիլիթ Կարապետյանն էլ կադրային քաղաքականությունը պայմանավորում է ֆինանսական խնդիրներով: Կրճատումները Գառնիի առողջության կենտրոնում վերջին շրջանում են սկսվել: Տնօրենն ասում է` այլընտրանք չունեն` ֆինանսապես չեն կարողանում հիմնարկը պահել:

Մրցույթին՝ տարբեր պատճառաբանություններով չեն ներկայացել մարզպետարանի երկու, նախարարության եւ ծնողական խորհրդի ներկայացուցիչները: Վերջիններիս բացակայության պատճառով քվորում չի ապահովվել, եւ մրցույթը հետաձգվել է:

Դպրոցի կառավարման խորհրդի նախագահ Արմեն Խաչատրյանն արդեն պաշտոնական գրությամբ դիմել է Կրթության եւ գիտության նախարարություն` մրցույթը հետաձգելու եւ այն մայիսի 21-ին նշանակելու համար:

Ի դեպ, կրթության նախարարության փորձագետը հրաժարվել է իրավիճակի վերաբերյալ մեկնաբանություններ տալուց:

Մեր երկրում "Թանգարանային գիշեր"-ն անցկացվում է 2005 թվականից: Այս տարի այն կանցկացվի մայիսի 18-ին:

"Թանգարանային գիշեր"-ն այցելուների առաջ բաց կլինի նաեւ Մայր Աթոռ Սուրբ Էջմիածնի տաճարի ներսում գտնվող թանգարանը, որտեղ պահվում են բազմաթիվ սրբություններ: Մայր աթոռի թանգարանների եւ արխիվների տնօրեն տեր Ասողիկ քահանա Կարապետյանն այսօր լրագրողներին ասել է, որ նախատեսվում է այս առիթով մասնավոր ցուցադրություն կազմակերպել հենց տաճարի թանգարանում եւ ներկայացնել ամենայն հայոց կաթողիկոսների նվիրական խորհրդանշանները, որոնք սերնդեսերունդ փոխանցվում են հայոց հայրապետներին:

Այս նմուշները թանգարանի մշտական ցուցադրության մաս չեն կազմում եւ ներկայացվում են առաջին անգամ:

"Թանգարանային գիշերը" Մայր տաճարում կլինի նաեւ հոգեւոր դասական համերգ:

Ինչպես "Փաստինֆո" գործակալությունն արդեն տեղեկացրել էր, Վայոց ձորի նախկին մարզպետի և մի քանի համայնքների ղեկավարների կողմից պաշտոնեական դիրքը չարաշահելու և առանձնապես խոշոր չափերով հափշտակություն կատարելու դեպքի առթիվ դեռեւս մայիսի 2-ին հարուցվել է քրեական գործ՝ ՀՀ քրեական օրենսգրքի 308-րդ հոդվածի 2-րդ մասով, 179-րդ հոդվածի 2-րդ և 3-րդ մասերի 1-ին կետերով, որով նախաքննությունն իրականացնում է ՀՀ հատուկ քննչական ծառայությունը։

Նախաքննության ընթացքում, բացի նախկին մարզպետից, հարցաքննվել են նաեւ մի շարք պաշտոնատար անձինք։

"Հյուրիեթը" մեջբերում է Հաթայի ոստիկանապետի այն խոսքը, թե իրենք ձերբակալել են այն անձին, ով գնել էր երկու միկրոավտոբուսները, որոնք պայթեցվել էին ահաբեկչության ընթացքում:

Հիշեցնենք, որ թուրք-սիրիական սահմանի մոտ գտնվող բնակավայրում անցյալ շաբաթ խոշոր ահաբեկչություն էր տեղի ունեցել, ինչի հետեւանքով զոհվել էր 51 մարդ: Գործով ձերբակալվել էր 13 մարդ, որոնցից 4-ը կալանավորվել էին: Բոլոր կասկածյալները Թուրքիայի քաղաքացիներ են. ձերբակալվածների շարքերում չկան սիրիացի ազգայնականներ, որոնց Անկարան պատասխանատու էր ճանաչել ահաբեկչության իրականացման համար: 

Կիսամերկ երեխաները մոտենում են աղջկան, գոտու մի քանի հարված ստանում, անպարկեշտ արտահայտություններ լսում եւ արցունքներն աչքերին հեռանում:

Հարուցվել է քրեական գործ:

7-9 տարեկան 10 երեխաներին խոշտանգման ենթարկելու համար 3 երիտասարդ աղջկա սպառնում է 7 տարվա ազատազրկում:

Աղջիկները չեն պարզաբանել, թե ինչո՞ւ են այդքան դաժան վարվել երեխաների հետ: Բռնության կադրերը տեսագրած եւ դրանք տարածած անձը նույնպես մանկատան սան է եղել, ով ավելի ուշ փախուստի է դիմել այդտեղից: Ոստիկանությունը դեռ չի հայտնաբերել նրան:

Կատարվածը, սակայն, հարցերի տեղիք է տալիս: Ինչպե՞ս է պատահել, որ ավագ դաստիարակները չեն լսել երեխաների լացը: Մանկատան շուրջ 130 երեխաների խնամքով զբաղվում է 90 աշխատակից, իսկ գիշերները հերթապահում են դայակները եւ պահակները: Իրավապահները դեռ չեն պարզել՝ որտեղ էին նրանք լինում պարբերաբար տեղի ունեցած ծեծերի ժամանակ:

Կովսական քաղաքում երկրի ղեկավարը հանդիպել է բնակիչների հետ եւ զրուցել նրանց հուզող հարցերի մասին: Նախագահն այցելել է նաեւ "Հադրութի ագրոտնտեսություն" ընկերության Արաքսի մասնաճյուղ եւ ծանոթացել կառույցի աշխատանքներին։ Նախագահը նշել է, որ նման ենթակառուցվածքի առկայությունն Արաքսի հովտում կնպաստի գյուղատնտեսական մեծ ներուժ ունեցող տարածքի զարգացմանը:

Բակո Սահակյանն այցելել է նաեւ Պաշտպանության բանակի զորամասերից մեկը եւ ծանոթացել նոր զորանոցի շենքի պայմաններին:

Ըստ նախարարի, նպատակը նախարարության աշխատակազմում կարգ ու կանոնի պահպանումն է, իսկ ամենապատասխանատու պաշտոնները պետք է զբաղեցնեն միայն իրենց աշխատանքը բարեխիղճ կատարող անձինք:

Արմեն Երիցյանը նաեւ շնորհակալություն է հայտնել "Սպայկա" ՍՊԸ-ում բռնկված խոշոր հրդեհի մարման աշխատանքներին մասնակցած հրշեջ-փրկարարներին:

"Ես միշտ ասել եմ, որ ունենք հերոս տղաներ, ովքեր միշտ կանգնում են քաղաքացիների կողքին: Երեկ էլ նրանք բարեխղճորեն կատարեցին իրենց առջեւ դրված խնդիրը: Հրշեջ-փրկարարները, չխնայելով իրենց կյանքը, հասնում են քաքղաքացիներին օգնության: Սակայն, այդ ամենի հետ մեկտեղ, կան որոշ բացթողումներ, որոնցից պետք է ճիշտ հետեւություններ անել մեր աշխատանքն ավելի արդյունավետ դարձնելու համար: Լավագույնները կխրախուսվեն, իսկ կարգ ու կանոնին չհետեւվողները համապատասխան պատժի կենթարկվեն",- ասել է Արմեն Երիցյանը։

"Սիրիան չպետք է դառնա ապաստան ահաբեկիչների համար: Պետք է բացառվի քիմիական զենքի կիրառումը: Անհրաժեշտ է անվտանգություն ապահովել բոլոր փոքրամասնությունների համար: Սրանք են առաջնահերթությունները",- հայտարարել է Թուրքիայի վարչապետը:

Էրդողանը, ով պաշտոնական այցով գտնվում է ԱՄՆ-ում, Սպիտակ տան ղեկավարի հետ քննարկել է նաեւ երկկողմ հարաբերություններին եւ առեւտրին վերաբերող հարցեր: Պայմանավորվածություն է ձեռք բերվել ստեղծել բարձր մակարդակի աշխատանքային հանձնաժողով, որը ավելի կմեծացնի առեւտրի եւ ներդրումների չափը 2 երկրների միջեւ:

Հանդիպման ընթացքում նաեւ հստակեցվել է՝ առաջիկայում Էրդողանը կմեկնի Գազայի հատված, Օբաման՝ Հորդանան գետի արեւմտյան ափ:

Ելույթ ունեցավ 17 երկրի ներկայացուցիչ, եզրափակիչ անցան տասը՝ Հունգարիա, Ադրբեջան, Վրաստան, Ռումինիա, Նորվեգիա, Իսլանդիա, Հայաստան, Ֆինլանդիա, Մալթա, Հունաստան:

Հիշեցնենք, որ մայիսի 14-ին կայացած առաջին կիսաեզրափակիչի արդյունքներով   եզրափակիչ են անցել նաև Մոլդովայի, Լիտվայի, Իռլանդիայի, Էստոնիայի, Բելառուսի, Դանիայի, Ռուսաստանի, Բելգիայի, Ուկրաինայի, Նիդերլանդների ներկայացուցիչները:

Մրցույթին մասնակցում է 39 երկիր: Այսպիսով, մրցույթի եզրափակիչ փուլում, որը կայանալու է մայիսի 18-ին, ելույթ է ունենալու 26 երկրի ներկայացուցիչ. առաջին և երկրորդ կիսաեզրափակիչների արդյունքներով եզրափակիչ անցած 20 երկրի ու Ֆրանսիայի, Գերմանիայի, Իսպանիայի, Մեծ Բրիտանիայի, Իտալիայի և նախորդ տարվա հաղթող երկրի` Շվեդիան ներկայացուցիչները:

Նշենք, որ հաղթողները որոշվում են պրոֆեսիոնալ ժյուրիի ու հեռուստադիտողի 50X50 հարաբերակցությամբ:

Նշենք, որ մրցույթն անցկացվում է Շվեդիայի Մալմյո քաղաքում:

panorama.am

Սա, ի դեպ, տեղի է ունեցել այն ժամանակահատվածում, երբ պաշտոնական այցով Միացյալ Նահանգներում է գտնվում Թուրքիայի վարչապետը:

ՀՅԴ Ամերիկայի Հայ Դատի Հաղորդմամաբ՝ բանաձեւը կոչ է անում երկրի նախագահին քայլեր ձեռնարկել Հայաստանի եւ Թուրքիայի միջեւ արդարացի, կառուցողական եւ տեւական հարաբերություններ ստեղծելու ուղղությամբ, բայցեւ շեշտում է, որ դա հնարավոր կդառնա, եթե ամերիկյան կողմը ճանաչի Հայոց ցեղասպանությունը ու դատապարտի հայերի զանգվածային կոտորածները:

Ադամ Շիֆն իր ելույթում մասնավորապես նշել է.- "Յուրաքանչյուր անցնող օր մենք կորցնում ենք Ցեղասպանությունը վերապրածներից մեկին: Մեր բարոյական պարտքն է ճանաչել Հայոց Ցեղասպանությունը հստակ եւ առանց հապաղելու":

Ֆրանկ Փալոնը կարծում է, որ ԱՄՆ կողմից Ցեղասպանությունը պաշտոնապես ճանաչելու ժամանակը վաղուց անցել է, իսկ Մայքլ Գրիմը հիշեցնում է, որ Վաշինգտոնը միշտ եղել է անդարության եւ մարդու իրավունքների պաշտպանության կողմնակիցը, հետեւաբար՝ չպետք է անտեսի հայերի հանդեպ անարդարությունը: 

2006 թվականից ոչ միայն մեր երկրում ապրողները, այլ դրսում բնակվող մեր հայրենակիցներից շատերն առայսօր սպասում են բնակարանամուտի: "Տոնուս" ընկերությունը նրանցից վերցրել է կառուցվող բնակարանների գումարները եւ տարիներ շարունակ հրաժարվում է դրանք վերադարձնել կամ բնակարան տրամադրել տերերին:

Իսկ տուժած քաղաքացիների հարցին, թե ո՞վ է պատասխանատու ստեղծված իրավիճակի համար, "Տոնուս" ընկերության տնօրեն Աշոտ Տոնոյանը բնակիչներին պատասխանում է. նրանց գումարներն "ԱրցախԲանկ" ընկերությունում են, եւ այսուհետ բանկն է պատասխանատվություն կրում:

Նրա կարծիքով, ծառայության ընթացքում զինծառայողներին քիչ թե շատ տանելի վարձատրություն տրամադրելու պարագայում, մեր կառավարությունը նրանց կենսաթոշակը հաշվարկում է օրենքով սահմանվածից առնվազն 3-4 անգամ պակաս չափով, ինչի հետեւանքով կենսաթոշակի անցնող զինծառայողները հայտնվում են աղքատության մեջ:

Ազատամարտիկ Կարեն Մելիքբեկյանի կարծիքով նույնպես խնդիրները բազմամազան են: Կարեւոր է լուծել հատկապես ազատամարտիկների անվճար բուժօգնության խնդիրը: Նրանց հավաստմամբ, բուժհաստատություններում գրեթե բոլոր դեպքերում իրենցից գումար են վերցնում: Ազատամարտիկները փաստում են. բարձրաձայնում են իրենց բոլոր ընկերների խնդիրները, խոսում են նաեւ նրանց անունից:

Վոլոդյա Ավետիսյանի փոխանցմամբ, նամակով դիմել են կառավարություն: Այստեղ խոստացել են մինչեւ մայիսի 23-ը պատասխանել: Դրական պատասխան չստանալու դեպքում էլ պատրաստ են ծայրահեղ քայլերի:

Թեեւ Հայաստանի սամբոյի հավաքականը, ֆինանսների սղության պատճառով, հնարավորություն չունեցավ ուսումնամարզական հավաք անցկացնելու եւ թիմերը ողջ կազմով համալրելու համար, սակայն, ինչպես միշտ, մեր ակնկալիքները մեծ են: Հայաստանն այս կարեւոր ստուգատեսում կներկայացնի 11 մարզիկ: Եվրոպայի առաջնությանը մեկնող Հայաստանի պատվիրակության կազմում են նաեւ մարզիչներ Վովիկ Խոջայանն ու Էռնեստ Միրզոյանը, մրցավար Էդվարդ Ասլանյանը եւ Հայաստանի սամբոյի ֆեդերացիայի նախագահ Լեւոն Հայրապետյանը:

Հիշեցնենք, որ այս տարվա ապրիլին Կիպրոսում կայացած Եվրոպայի պատանիների, երիտասարդների եւ աղջիկների առաջնությունում մեր սամբիստները նվաճել էին 3 ոսկե, 3 արծաթե եւ 5 բրոնզե մեդալ: 

Այս անգամ, սակայն, Ալիեւի ավագի որդու ջանքերը ի զուր են եղել: Contact.az լրատվական կայքի բնորոշմամբ՝ Բաքվում զանգվածային թալան է տեղի ունեցել:

Այսօր համացանցում հայտնված տեսանյութում երեւում է, թե ադրբեջանցիներն ինչպես են թալանում ծաղիկների ամենամյա փառատոնի փակման արարողությունից հետո Բաքվի կենտրոնում գտնվող Հեյդար Այլեւի անվան զբոսայգում տեղակայված ծաղկաթմբերը եւ ծաղիկներից կառուցված կոմպոզիցիաները:

Contact.az-ը նաեւ նշում է, որ նման վարվելակերպը խոսում է բնակչության` իրական վերաբերմունքի մասին մայիսի 10 նկատմամբ, որ իշխանությունները ներկայացնում են որպես համազգային տոն:

Տեղեկացնենք նաեւ, որ ինչպես եւ նախորդ տարիներին, այս անգամ եւս Ադրբեջանի իշխանությունները հսկայական գումարներ էին հատկացրել միջոցառման կազմակերպմանը: Ավելի քան 3 միլիոն ծաղիկ է բերվել Հոլանդիայից, Ֆրանսիայից, Իտալիայից եւ այլ երկրներից, իսկ պետբյուջեից հատկացվել է 60 մլն դոլար:

Գնդապետի խոսքով` մեր երկրի հակաօդային պաշտպանության համակարգն օրեցօր զարգանում է` չնայած ռազմաօդային ուժերը զարգացնում է նաեւ հակառակորդը: Ավելին` հակառակորդն անընդհատ օդաչուների նոր հերթափոխ է պատրաստում ու ձգտում է ցածր թռիչքներ իրականացնել: Այնինչ Հայաստանի հակաօդային պաշտպանությունը հնարավորություն ունի անգամ մինչեւ 30 կմ բարձրության վրա խոցել հակառակորդի օդային միջոցները:

Խոսելով համակարգի կարեւորության մասին` Արմեն Գեւորգյանը նշում է, որ պատերազմը սկսվում է հենց օդային հարձակումներից, իսկ զանգվածային հարձակումները կարող են հետ մղել միայն օդային ուժերը, ինչին էլ միշտ պատրաստ է Հայաստանի հակաօդային պաշտպանական համակարգը:

Մրգերի առատությամբ հայտնի Մրգաշատում հիմա միրգը միայն ծառի տակ է: Գյուղացիները բնության հետ միայնակ մնացած` գոնե կառավարությունից են ցանկանում օգնություն ստանալ: 

Նա իրավական փաստաթուղթ է ներկայացրել, որում ասում է, թե Քրքորյանը վատ առողջական վիճակում է եւ դատարանի պաշտպանության կարիքն ունի: Լիզան պնդում է, որ 95-ամյա գործարարը հանրության աչքին չի երեւացել 2012-ի հունիսից: Նրա խոսքով՝ իր նախին ամուսնու Tracinda Corp ընկեության մենեջերները հսկում են նրա գործողությունները եւ վերջին 5 տարիներին հեռու պահում նրան ընտանիքից եւ հատկապես աղջկանից: Լիզայի խոսքով՝ իրենց դուստրը՝ Կիրան, որեւէ կապ չի ունեցել Քըրքի հետ 2008-ից սկսած, եւ հոր հետ հաղորդակցվելու նրա բոլոր փորձերը խափանվել են գործարարի մենեջերների կողմից:

Tracinda ընկերությունից այս առիթով հայտնել են, որ այդ պնդումները հաստատող փաստեր չկան:

Ի դեպ, Կիրան Քըրքի կենսաբանական դուստրը չէ, սակայն նա աղջկան մեծացրել է հարազատի պես։

Այսօր "Ռոբերտ Սահակյանց փրոդաքշընը" հայտարարում է, որ, այո, նախագծի հեղինակը Սահակյանց ընտանիքն է: 

Yerkir.am-ը զրուցել է ռեժիսոր-մուլտիպլիկատոր Դավիթ Սահակյանցի հետ:

Երեկ նա Մերիլենդում մասնակցել է թուրքական մշակութային կենտրոնի բացման արարողությանը: Իր ելույթում Էրդողանն անդրադարձել է իսլամատյացությանը:

"Վերջին շրջանում իսլամատյացության աճ է նկատվում: Մենք ցանկանում ենք ապացուցել, որ իսլամը բարեկամական կրոն է եւ ցույց տալ, որ իսլամատյացությունը սխալ դիրքորոշում է",- հայտարարել է Էրդողանը: 

"Շատ դժվար է հասկանալ Հայաստանում ի՞նչ է իշխանությունը, որտե՞ղ է այն սկսվում եւ վերջանում, եւ ի՞նչ է նշանակում ընդդիմություն: Ինչ-որ խմբավորումներ են, որոնք գիտեն, որ ըստ օրենքի` կուսակցական գործունեություն ծավալել հնարավոր չէ էս երկրում եւ անիմաստ է: Դրա համար պետք է ինչ-որ ձեւով հասարակությանը ներկայանալ ինչ-որ կերպարով",- ասաց քաղաքագետ Մանվել Սարգսյանը: 

Ըստ քաղաքական եւ ընտրական տեխնոլոգիայի փորձագետ Արմեն Բադալյանի` նշանակություն չունի` ով է իրեն ընդդիմություն կամ իշխանություն հայտարարում: Կարեւորն ընտրազանգվածի շահերը ներկայացնել է: Իսկ հասարակությունն արդեն հիասթափվել է ու որպես պայքարի ձեւ ընտրել արտագաղթը:

Ծրագիրն ունի 4 հիմնական ուղղվածություն` երիտասարդ գիտնականներին ֆինանսական աջակցություն է տրամադրվել միջազգային գիտական գործուղումների, գիտաժողովների կազմակերպման, գիտական դրամաշնորհների, նաեւ մրցանակաբաշխության կազմակերպման համար:

Ծրագրի ղեկավար մամինը, որում ընդգրկված է 9 երիտասարդ, նախագահին է ներկայացրել այն բոլոր ծրագրերը, որի համար ծախսվել է հատկացված 100 մլն դրամը:

Հաջորդ տարվա համար նախագահի հովանու ներքո իրականացվող ծրագրի շրջանակում երիտասարդ գիտնականներին կտրամադրվի 200 մլն դրամ:

Սթիվեն Միլլերի պաշտոնանկության պատճառ են դարձել հրապարակումները, ըստ որոնց` հարկային ծառայությունն անհարկի մանրակրկիտ ստուգումներ է իրականացրել ընդդիմադիր հաստատություններում:

Օբաման հայտարարել է, թե որեւէ կառույցում չի հանդուժելու նման գործելաոճը:

"Կանեմ ամեն ինչ, որ իմ իշխանության օրոք նման բան այլեւս չկրկնվի",- մամուլի ասուլիսի ժամանակ հայտարարել է Բարակ Օբաման:

Մանրամասները՝ տեսանյութում 

Ասում է` երկիրը շարունակում է մնալ համակարգային ճգնաժամի մեջ, միակ մեղավորն իշխանությունն է, իսկ միակ ելքն` ազատ ու արդար ընտրությունների անցկացումը:

ՀԺԿ-ն շարունակելու է համագործակցել ինչպես ՀԱԿ կուսակցության, այնպես էլ նախկին ՀԱԿ դաշինքում ներգրավված քաղաքական ուժերի հետ: ԲՀԿ-ի հետ համագործակցում են ԱԺ-ում, ավելի խորը համագործակցություն կլինի, եթե ԲՀԿ-ն ընդդիմություն դառնա:

Գագիկ Ծառուկյանի հայտարարությունը, թե ԲՀԿ-ն չի կարող ընդդիմություն դառնալ, Ստեփան Դեմիրճյանի համար արտառոց չէր:

Ելույթ ունենալով Եվրախորհրդի արտգործնախարարների հանդիպմանը` Հայաստանի ԱԳ նախարար Էդվարդ Նալբանդյանը հայտարարել է, որ պետք է երաշխավորենք, որ անհատների իրավունքները պաշտպանվեն Եվրոպայի խորհրդի պատասխանատվության ամբողջ տարածքում՝ անկախ այդ տարածքների կարգավիճակից:

"Կազմակերպությունը պետք է այդ միավորների հետ սերտ խորհրդակցությամբ դիտարկի կարգավիճակով չպայմանավորված մոտեցման հնարավորությունն՝ իր հիմնարար արժեքները եւ սկզբունքները խթանելու նպատակով",- ասել է Էդվարդ Նալբանդյանը:

Դեպքը տեղի է ունեցել մայրաքաղաք Քաբուլում: 6 մարդ է սպանվել, այդ թվում՝ մեկ երեխա: Կան վիրավորներ:

Դեռեւս չի հաղորդվում, արդյո՞ք օտարերկրացի զինվորներից զոհեր կան, թե՝ ոչ:

Հիշեցնենք, որ մինչեւ 2014 թվականը ՆԱՏՕ-ն եւ միջազգային աջակցող ուժերը պետք է հեռանան Աֆղանստանից, իսկ մինչ այդ աֆղանցիների կողմից իրականացվող հարձակումները միջազգային զորքերի նկատմամբ շարունակվում են:

Ավելի վաղ Ռուսաստանը ՄԱԿ-ի անդամ 193 երկրներին նամակներ էր ուղարկել, որոնցում կոչ էր արվում՝ հրաժարվել պաշտպանել "միակողմանի բանաձեւը", որի ընդունումը կարող է Սիրիայում հակամարտության կարգավորման գործում հետընթաց քայլ լինել:

Ըստ ԶԼՄ-ների տվյալների, փաստաթղթում գերակշռում է երկրի իշխանությունների նկատմամբ քննադատություն, իսկ ընդդիմությունը հիմնականում քննադատվում է անուղղակիորեն:

Ռուսաստանի ներկայացուցիչն իր ելույթում բանաձեւի ընդունումն անպատասխանատու քայլ է որակել: Որոշման մեջ նշվում է, որ սիրիական իշխանությունները շարունակում են ծանր սպառազինություն կիրառել, բնակավայրերի ուղղությամբ օգտագործում են բալիստիկ հրթիռներ եւ պարբերաբար ռմբակոծություններ են իրականացնում տանկերի եւ օդուժի միջոցով: 

Դրա հետ մեկտեղ կողմերը նշում են, որ փաստաթղթի տեքստի շուրջ տարվող աշխատանքները մտադիր են ավարտել մինչ հաջորդ հանդիպում, որի ժամկետների մասին չի նշվում:

Բանակցությունների կենտրոնական թեման ՄԱԳԱՏԷ-ի մասնագետների՝ Իրանի միջուկային օբյեկտներ մուտք գործելու հարցն է: Նրանք նաեւ ցանկանում են ուսումնասիրել փաստաթղթերը եւ հանդիպել այն մասնագետներին, որոնց վերաբերյալ կասկածներ կան, որ նրանք զբաղվում են ռազմական միջուկային ծրագրով:

Նախաձեռնությունն ինքնաբուխ է եւ այն բանից հետո, երբ հայտնի դարձավ, որ "ՀայՌուսգազարդը" հայտ է ներկայացել գազի սակագինը բարձրացնելու համար, ստեղծվեց ֆեյսբուքյան նախաձեռնություն՝"Ո՛չ գազի թանկացմանը": Այս նախաձեռնությունն էլ երեկ հայտարարություն էր տարածել, որ այսօր` մայիսի 16-ին՝ առավոտյան ժամը 10-ին, հավաքվում են ՀՀ կառավարության գլխավոր շենքի մոտ՝ իրենց պահանջը ներկայացնելու համար:  

Բողոքի ակցիային ներկա էին "Հայ հեղափոխական դաշնակցության" ներկայացուցիչները, ովքեր էլ լսում եւ պատասխանում էին հավաքվածներին հուզող հարցերին:

"Ստեղծված իրավիճակը սպասելի էր",- ասում է ՀՅԴ Հայաստանի ԳՄ ներկայացուցիչ Արմեն Ռոստամյանը:

35 տոկոս աղքատության ցուցանիշ ունեցող երկիրի համար այսպիսի թանկացումները կհանգեցնեն երկրի ծանր սոցիալկան վիճակի վատթարացմանը: Իսկ սա կբերի շատ ավելի ծանր հետեւանքների՝ արտագաղթի, գործազրկության ահագնացման:   

Մահացել է պահակախմբում ընդգրկված ժամկետային զինծառայող, Մարտունու շրջանի Վերին Գետաշեն գյուղի բնակիչ, 1994թ. ծնված շարքային Լյուքս Իշխանի Ստեփանյանը գլխի շրջանում ստացած հրազենային վիրավորումից։ Նույն զորամասի ժամկետային զինծառայող, Արմավիրի մարզի Մրգաշատ գյուղի բնակիչ, 1994թ. ծնված շարքային Հրաչյա Վաղինակի Սարգսյանը գլխի շրջանում ստացել է հրազենային վիրավորում:

Վերջինս ժամը 16:00-ի սահմաններում տեղափոխվել է Նոյեմբերյանի բժշկական կենտրոն, որտեղից էլ ժամը 20:00-ին՝ Երեւանի զինվորական հոսպիտալ: Նրա վիճակը գնահատվում է ծանր։

Փաստի առթիվ ՀՀ ՊՆ քննչական ծառայությունում հարուցվել է քրեական գործ եւ կատարվում է նախաքննություն: Դավիթ Խաչատրյանը ձերբակալվել է: Քրեական գործի նախաքննությունը շարունակվում է:

Ոստիկանության հաղորդմամբ, պարզվել է, որ նույն օրը, ժամը 22.00-ի սահմաններում, անհայտ անձը Վանաձորի Բաղրամյան փողոցում սպանել է 35-ամյա Թովմա Մաթևոսյանին:

Ոստիկանության Լոռու մարզային վարչության և Վանաձորի բաժնի ծառայողների ձեռնարկած միջոցառումների շնորհիվ պարզվել է, որ մայիսի 15-ին, ժամը 22.00-ի սահմաններում, Բաղրամյան փողոցի թիվ 21/15 հասցեում գտնվող "Գանձակ" սուպերմարկետի մոտ, վիճաբանության ժամանակ, Թ. Մաթևոսյանին սուր-կտրող-ծակող գործիքով, ապօրինաբար կյանքից զրկելու դիտավորությամբ, հարվածել և սպանել է 37-ամյա Տիգրան Մ.-ն: 

Փաստի առթիվ ոստիկանության քննչական գլխավոր վարչության Լոռու մարզի քննչական բաժնում հարուցվել է քրեական գործ՝ ՀՀ քր.օրի 104 հոդվածի հատկանիշներով` սպանություն, կատարվում է նախաքննություն: 

Թովմա Մաթևոսյանը Ահնիձոր գյուղի բնակիչ է: Panorama.am-ի թղթակցի հետ զրույցում Ահնիձոր գյուղի գյուղապետ Վանիկ Քառյանը տեղեկացրել է, որ Թովմա Մաթեւոսյանը հայ մեծանուն գրող Հրանտ Մաթեւոսյանի եղբոր որդին է։ Նա ճիշտ է, իրենց գյուղի բնակիչ է, սակայն արդեն մի քանի տարի է` ապրում է Վանաձորում, աշխատում անտառտնտեսությունում ու Մոտկորի անտառապետն է եղել: Իսկ սպանություն կատարելու համար մեղադրվող Տիգրան Մելիքյանն աշխատում է Բնապահպանության նախարարության բնապահպանության տեսչության Վանաձորի տարածքային բաժնում՝ որպես էկոլոգիայի տեսուչ:

Լուրը փորձեցինք ճշտել "Աշտարակ կաթ" ընկերությունից: Ընկերության հավաստմամբ, թանկացում կա, եւ դա ունի իր բացատրությունը:

"Ցանկացած գնագոյացում կախված է տվյալ ապրանքի ինքնարժեքից` հումք, էներգակիրներ, առաքում, աշխատուժ եւ այլն: Հումքից բացի, արտադրության մեջ օգտագործվող բոլոր նյութերն ու պարագաները ներկրվում են արտերկրից: Տարադրամի նկատմամբ ՀՀ դրամի արժեզրկման պայմաններում դա շատ թանկ է նստում. մթերքն իրացվում է տեղական արժույթով, իսկ ներկրվող ապրանքի դիմաց վճարվում է տարադրամով: Այս ամենն, իհարկե, ստիպում է, որ կաթնամթերքի տեսականին ենթարկվի գնային որոշակի փոփոխությունների", -հաղորդեցին Աշտարակ կաթ ընկերությունից:

ՏՄՊՊՀ-ից Գայանե Սահակյանը հավելեց նաեւ, որ իրենք միայն արձանագրել են թանկացումները, սակայն պատճառների մասին չեն կարող բարձրաձայնել, քանի որ հանձնաժողովը գրություն է ուղարկել ՀՀ գյուղատնտեսության նախարարություն՝ իրավիճակը պարզաբանելու համար:

Կայքում ներկայացված գրականությունը հարուստ է: Պատմական, գեղարվեստական գրքեր, արտասահմանյան գրականություն, հեքիաթներ, մասնագիտական գրականություն: Կայքում ներկայացված ստեղծագործությունների փոքրիկ հատվածները լսելուց հետո ընթերցողը ցանկության դեպքում կարող է լսել գործն ամբողջությամբ:

Հայ դասականների աուդիոգրքերի մեծ մասն անվճար են: Կույրերի համար բոլոր աուդիոգրքերն են անվճար:

Աուդիոգրականությանը ծանոթանալու համար ընթերցողից պահանջվում է պարզապես գրանցվել askaudiobooks.am կայքում:

Ոստկանությունը փորձում է պարզել, թե ովքեր են պղծել հուշարձանը: Պռոշյան համայնքի ղեկավարի տեղակալ Վովա Սահակյանն ասում է` գրությունն արվել է մոմով կամ պարաֆինով: Գրությունը մաքրելու փորձերն անցել են ապարդյուն: Քարն արդեն ներծծել է յուղանյութը: Չնայած առաջին հայացքից գրությունն այնքան էլ պարզ չի երեւում, սակայն ջրով թրջելուց հետո ամեն ինչ պարզ երեւում է:

Հանձնաժողովը տեղեկացնում է, որ հաշվի առնելով 2013-2014 թվականներին կանխատեսվող էլեկտրաէներգիայի (հզորության) արտադրության հաշվեկշռի փոփոխությունը, ջերմային կայաններին վաճառվող բնական գազի սակագնի հնարավոր փոփոխությունը, ԱՄՆ դոլար/դրամ փոխարժեքի մեծության և մի շարք այլ գործոնների փոփոխությունները, ՀՀ հանրային ծառայությունները կարգավորող հանձնաժողովն իր նախաձեռնությամբ սկսել է էլեկտրաէներգետիկական համակարգի ընկերությունների կողմից էլեկտրաէներգիայի արտադրության և ծառայությունների մատուցման, ինչպես նաև վերջնական սպառողներին վաճառվող էլեկտրաէներգիայի սակագների վերանայման գործընթաց:

Այսօր, սակայն, հայտարարությամբ է հանդես եկել դարձյալ նախկին ՀՀՇ կուսակցության վարչության քարտուղար Վահագն Հայոցյանը: Պարզվում է, որ այս տարվա մարտի 26-ին ՀՀՇ անվանումով մի հասարակական կազմակերպություն, Հայոցյանի նախագահությամբ, արդեն գրանցվել է, ու ըստ Վահագն Հայոցյանի` ՀՀՇ անվանումն ու խորհրդանշանը պատկանում են հենց այս կազմակերպությանը:

Ո՞ւմ ի վերջո կմնա կուսակցության անվանումը` հասարակական կազմակերպությանը, թե՞ դեռեւս չստեղծված նոր կուսակցությանը. արդեն իսկ պարզ է, որ սա դառնալու է վիճարկման առարկա հին ու նոր ՀՀՇ-ականների համար:

Իսկ մինչ այդ, մայիսի 14-ին, Էդվարդ Նալբանդյանը հանդիպել է Ֆրանսիայի Սենատի արտաքին հարաբերությունների եւ պաշտպանության հանձնաժողովի նախագահ Ժան-Լուի Կարերի հետ:

Հանդիպման ընթացքում արծարծվել են հայ-ֆրանսիական բարեկամական հարաբերությունների առավել ամրապնդման ուղղությամբ ձեռնարկվելիք քայլերը, կարեւորվել են այդ գործընթացում Հայաստանի եւ Ֆրանսիայի խորհրդարանների դերակատարությունը: Անդրադարձ է կատարվել տարածաշրջանային եւ միջազգային մի շարք հարցերի: Էդվարդ Նալբանդյանը ներկայացրել է Հարավային Կովկասի տարածաշրջանային խնդիրների լուծման վերաբերյալ Հայաստանի մոտեցումները:

Նույն օրը Ֆրանսիայի Ազգային ժողովի եւ Սենատի հայ-ֆրանսիական միջխորհրդարանական բարեկամության խմբերի անդամների հետ հանդիպմանը Էդվարդ Նալբանդյանը բարձր է գնահատել ֆրանսիացի խորհրդարանականների նախաձեռնությունները եւ ներդրումը հայ-ֆրանսիական ավանդական բարեկամական հարաբերությունների զարգացման գործում:

Նախապես հաղորդվում էր, որ տեսանյութի իսկությունը պարզել հնարավոր չէ, սակայն արարքն իրականացրած ապստամբ Խալիդ ալ-Համադը հաստատել է, որ նման բան է արել եւ արդարացել, թե իրեն բարկացրել է այն, որ զինվորի հեռախոսում գտել է տեսագրություն, որտեղ նա նվաստացնում է մերկ մի կնոջ եւ երեխաների:

Տեսանյութը "Թայմ" պարբերականի երկու լրագրողները տեսել էին դեռ երկու ամիս առաջ, սակայն միայն վերջերս էր նրանց հաջողվել ձեռք բերել կրկնօրինակը: Տեսագրությունը հայտնվել է համացանցում մայիսի 12-ին:

Այսպես` ընթացիկ տարվա առաջին կիսամյակում արդեն Հայաստան առաքված ռուսական գազի մաքսային արժեքը կազմել է $213՝ 1000 խմ-ի համար, այնինչ Էկոնոմիկայի նախարարությունը շարունակ պնդում էր, որ գազի գինը մնացել է անփոփոխ եւ կազմում է $180/ 1000 խմ-ի դիմաց: Սակայն ՊԵԿ-ի տվյալներից, ինչպես նաեւ առանձին ուսումնասիրություներից ակնհայտ էր դառնում, որ գազը Ռուսաստանից միջինում ձեռք ենք բերում ոչ թե 180 դոլարով, այլ՝ 213:

Պաշտոնական այրերը հետաձգում էին գազի թանկացման մասին լուրի հրապարակումը հասկանալի պատճառներով՝ առջեւում ընտրություններ էին եւ ավելորդ լարվածությունից պետք էր խուսափել: Կառավարությունը գաղտնի էր պահում գազի թանկացման փաստը, քանի որ նախատեսում էր ռուսական գազի գնի փոփոխությունը սուբսիդավորել "Գազպրոմին"` "ՀայՌուսգազարդում" իր ունեցած 20% մասնաբաժնի մի մասի փոխանցման ճանապարհով:

Թանկացում կա, եւ այժմ արդեն իրողությունը պաշտոնական հաստատման ու հրապարակման են նախապատրաստում:

Ինչեւէ, փորձենք փոքր հաշվարկ կատարել գազի թանկացման շղթայական զարգացումների առումով: 1 խմ-ի համար ներկայիս 132 դրամից գազը թանկանալու է մինչեւ 221 դրամ, այսինքն 89 դրամով կամ 67 տոկոսով: Բնականաբար, գազի թանկացումները շղթայական ռեակցիազով անդրադառնալու են մյուս ապրանքների գների վրա, այլ կերպ ասած՝ գործելու է դոմինոյի էֆեկտը: Մասնագետների կանխատեսումներով, թանկանալու է տրասպորտը՝ մինչեւ 100 դրամ, էլեկտրաէներգիան, սննդամթերքը: Ըստ տնտեսագետների, ընդհանուր առմամբ, 90-100 տոկոս թանկացումներ են սպասվում: Եթե գազի եւ այլ ապրանքների թանկացումներին գումարենք նաեւ վերջին օրերի կարկատահարությունը, ապա վստահ կարելի է ասել, որ 2013-ը թանկացումներով առատ տարի է լինելու:

Դպրոցի տնօրենի պաշտոնը թափուր է դեռեւս նախորդ տարվա նոյեմբեր ամսից: Հենց այդ ժամանակվանից դպրոցի պաշտոնակատար է նախկին տնօրեն Գոհար Մովսիսյանը: Վերջինիս՝ պաշտոնից հեռացվելուց հետո էլ նշանակվել են ընտրություններ ու առաջին փորձն անցել է անհաջող:

Հայտնի է, որ նախագահը կարգադրել է նահանգներ ուղարկել լրացուցիչ զորքեր:

"Բոկո Հարամ" իսլամիստական խմբավորումը գործում է Նիգերիայի հյուսիսում, որտեղ մեծամասամբ մուսուլմաններ են բնակվում: Խմբավորումը ցանկանում է ամբողջ երկրի տարածքում շարիաթ հաստատել եւ վերացնել կրթության արեւմտյան մոդելը:

Նման վճիռ է կայացրել Թուրքիայի Վճռաբեկ դատարանը՝ բեկանելով նախկինում ընդունված վճիռները, որոնցով հիմնավորված չէին համարվում Հրանտ Դինքի սպանության գործով դատապարտվածների ենթադրյալ կապը որեւէ հանցավոր խմբավորման հետ:

Համաձայն որոշման, դատարանը վերհաստատել է ամբաստանյալների նկատմամբ կայացրած վճիռը։

Այսօրվա կայացրած վճռի արդյունքում մեղադրյալները կրկին կներկայանան Ստամբուլի դատարան: 

Իսրայելական պատվիրակության մյուս անդամները ռուսաստանցի իրենց գործընկերների հետ հանդիպումներ են ունեցել նաեւ Սոչիում: Նեթանյահուն ընդգծել է, որ տարածաշրջանային իրավիճակի վերաբերյալ կայացել է մանրամասն քննարկում: Իսկ քննարկման մանրամասները համատեղ մամուլի ասուլիսի ժամանակ հայտնել է Վլադիմիր Պուտինը:

"Իսրայելցի իմ գործընկերոջ հետ մենք համակարծիք ենք այն հարցում, որ սիրիական զինված հակամարտությունը վտանգ է ներկայացնում ոչ միայն այդ երկրի, այլեւ տարածաշրջանի համար: Անդառնալի հետեւանքները հնարավոր է կանխել միայն զինված հակամարտության անհապաղ դադարեցմամբ",- ասել է ՌԴ նախագահը:

Հիշեցնեմ, որ սիրիական հակամարտությունը շարունակվում է արդեն 2 տարի, հակամնարտության զոհ է դարձել ավելի քան 70 հազար մարդ:

Հայտնի են դարձել եզրափակիչ փուլ դուրս եկած առաջին 10 երկրները՝ Մոլդովա, Լիտվա, Իռլանդիա, Էստոնիա, Բելառուս, Դանիա, Ռուսաստան, Բելգիա, Ուկրաինա, Նիդեռլանդներ: Մրցույթի երկրորդ կիսաեզրափակիչը տեղի է ունենալու մայիսի 16-ին, որի ընթացքում հանդես կգա Հայաստանը ներկայացնող Dorians խումբը՝ Lonely Planet երգով:

Այդ օրը հայտնի կդառնան եզրափակիչ փուլ անցած մյուս 10 մասնակիցների անունները, ինչից հետո մայիսի 18-ին կայանալիք եզրափակչի ժամանակ նրանք եւ առաջին՝ արդեն հայտնի 10 երկրները կմրցեն Գերմանիայի, Ֆրանսիայի, Իտալիայի, Իսպանիայի, Մեծ Բրիտանիայի եւ Շվեդիայի ներկայացուցիչների հետ:

Ռուսական կողմը պնդում է, որ Ֆոգըլ Ռայան Քրիստոֆերն ԱՄՆ Հետախուզությունների դաշնային վարչության գործակալ է, ով աշխատել է Մոսկվայում Միացյալ Նահանգների դեսպանատանը: Նա փորձել է հավաքագրել ռուսական հատուկ ծառայություններից մեկի աշխատակցի: Ձերբակալվածի մոտ հայտնաբերվել է հատուկ տեխնիկական սարքավորում, խոշոր գումար եւ արտաքինը փոփոխելու միջոցներ:

Վաշինգտոնը դեռեւս հայտարարությամբ հանդես չի եկել, իսկ ամերիկացի դեսպանը հրաժարվել է մեկնաբանություններից:

Մինչդեռ Ռուսաստանի արտգործնախարարության հայտարարության մեջ նշված է, որ դեսպանատան հովանու ներքո գործակալի իրականացրած գործողությունները չեն նպաստում Մոսկվայի եւ Վաշինգտոնի միջեւ փոխադարձ վստահության ամրապնդմանը:

Ամերիկացի դիվանագետն արդեն "անցանկալի անձ է" ճանաչվել եւ պահանջ է դրվել, որ նա անհապաղ վերադառնա ԱՄՆ:

Ռուսաստանի ԱԳ նախարարությանը հանձնարարվել է տեղեկացնել ադրբեջանական կողմին պայմանագրի լուծարման մասին:

Պաշտոնական Բաքուն դեռեւս հայտարարությամբ հանդես չի եկել:

Ռուսական "Տրանսնեֆթ" ընկերության ներկայացուցիչ Իգոր Դեմինը պարզաբանել է, որ վերջին 5 տարվա ընթացքում ադրբեջանական կողմը չի կատարել պայմանագրով ստանձնած պարտավորությունները` նախատեսվածից 2 անգամ քիչ գազ տեղափոխելով: Մոսկվան բազմիցս կոչ է արել Բաքվին՝ ավելացնել նավթատարի թողունակությունը, մինչդեռ վերջինը քայլեր չի ձեռնարկել, ինչն էլ պատճառ է դարձել, որ պայմանագիրը լուծարեն:

Նոր ՀՀՇ-ն կուսակցական գրասենյակը պատրաստ է զիջել ՀԱԿ-ին հանգիստ, սակայն նույն հանգստությամբ չեն հրաժարվի Վանո Սիրադեղյանից, ում նորաստեղծ ՀԱԿ-ը արդեն հայտարարել է ՀԱԿ անդամ:

"Վանոն մեր 100 տարվա ընկերն է, եթե ուզենա միանա մեզ, պատրաստ ենք",- ասել են նախկին ու ապագա ՀՀՇ-ականները: 

Նախկին ՀՀՇ-ական, հետո` ազատդեմոկրատական, հետո` անկուսակցական Արարատ Զուրաբյանը ասում է` 100 տարի էլ անցնի, իրենց, միեւնույն է, որպես ՀՀՇ-ական են հիշելու: "Հայոց համազգային շարժում" անվանումը ժողովրդին հիշեցնում է մութ ու ցուրտ տարիները, բայց դրանից մտահոգված չեն։ 

"Հա, հենց այդպես: Ես ու Իգիթյանը թող պատասխանատու լինենք մութ ու ցուրտ տարիների համար",- ասաց Արարատ Զուրաբյանը։ 

Քվորում կար, մարզպետարանի ներկայացուցիչը կար, սակայն դպրոցի տնօրենի մրցույթը չէր կարող կայանալ առանց նախարարության ներկայացուցչի։ Ընթացիկ տարվա հունվարի 17-ին էլ դպրոցի տնօրենի մրցույթ արդեն տեղի էր ունեցել։ Ընտրվել էր Դավիթ Դավթյանը, ով ժամանակին տնօրեն է աշախատել այս դպրոցում։ Նրա մրցակիցն առաջին փուլով 1 ձայն էր ստացել, Դավիթ Դավթյանը՝ 4, իսկ երկրորդ փոլով Դավիթ Դավթյանի ձայները ավելացել էին 1-ով եւ նա հաղթող էր ճանաչվել։ Սակայն մրցույթի արդյունքը թերեւս անընդունելի էր եղել Կոտայքի մարզպետարանի ու ԿԳ նախարարության համար, եւ Արմեն Խաչատրյանի բնութագրմամբ, անհիմն պատճառ են բերել, թե կանոնակարգում նշված է, որ պետք է երկրորդ փուլում եւս մի քանի թեկնածու լինի։

Նոր մրցույթ էր հայտարարվել, որը պետք է կայանար այսօր, սակայն ԿԳՆ լիազոր ներկայացուցիչն այդպես էլ չհայտնվեց։ Դպրոցի կառավարման խորհրդին այլ բան չէր մնում, քան մրցույթի նոր օրվա մասին որոշում կայացնելը։ Մայիսի 17-ին նոր մրցույթ կլինի։ Արմեն խաչատրյանը նոր գրությամբ մեկնեց Երեւան։

Մինչդեռ դպրոցի ուսուցչական կազմը եւ աշակերտությունը հույսեր ունեին, որ այսօրվանից դպրոցը տնօրեն կունենա։ Մաթեմատիկայի ուսուցչուհի Պետրոսյանի Սալվիի համար անընդունելի է թե՛ Կրթության եւ գիտության նախարարության, թե՛ Կոտայքի մարզպետարանի դիրքորոշումը։ 

ՀՀԿ ցուցակից ավագանու անդամներ են ընտրվել 42-ը: Հատկանշական է, որ "Հանրապետականի" քվոտայով ավագանու կազմում կաշխատեն պատգամավորներ Մհեր Սեդրակյանի, Աշոտ Աղաբաբյանի, ինչպես նաեւ տրանսպորտի եւ կապի նախկին նախարար Էդուարդ Մադաթյանի որդիները:

"Բարգավաճ Հայաստանն" ավագանիում կներկայանա 17 հոգանոց կազմով` առանց ընտրապայքարում ներգրավված առաջին դեմքերի:

"Բարեւ Երեւան" դաշինքը հանդես կգա 6 անդամով, այս դեպքում ցուցակի առաջին համար Արմեն Մարտիրոսյանը կաշխատի ավագանու կազմում: Ավագանիում կլինեն նաեւ նախկին պատգամավորներ Անահիտ Բախշյանը եւ Ստեփան Սաֆարյանը։

Ստորեւ ներկայացնում ենք ավագանու կազմը՝ ըստ կուսակցությունների

ՀՀԿ