Բեն Լադենն Արաբական գարունը գնահատել է՝ որպես "չափազանց կարեւոր իրադարձություն"

17:57 . 04/05

Այսօր Նյու Յորքի ռազմական ակադեմիայի հետազոտական անկախ ինստիտուտի "Ահաբեկչության դեմ պայքարի կենտրոնը" հրապարակել է "Ալ Ղաիդաի" նախկին պարագլուխ Ուսամա Բեն Լադենին վերագրվող 17 փաստաթուղթ:

Աշխարհի թիվ մեկ ահաբեկչի եւ նրա օգնակաների հետ նամակագրությունից պարզ է դարձել, որ բին Լադենը վերջին շրջաններում դժվարանում էր վերահսկել ջիհադի՝  աշխարհի խմբերը եւ մտահոգված էր, ինչպես ինքն է բնորոշել, նրանց անիրազեկությունից: Նամակները ցույց են տալիս, որ Բեն Լադենը կասկածանքով է վերաբերվել, այսպես կոչված, "ջիհադի միայնակ գայլերի" առաքելությանը:

2011թ. գրված նամակներից մեկում նա գնահատում է Արաբական գարունը՝ որպես "չափազանց կարեւոր իրադարձություն` մահմեդականների պատմության մեջ": Հրապարակված փաստաթղթերում "Ալ Ղաիդայի" առաջնորդը բազմիցս անդրադառնում է ԱՄՆ-ին, մասնավորապես, կոչ անելով պայքարել Միացյալ Նահանգների դեմ, ինչն ինքնաբերաբար կթուլացնի նաեւ մյուս թշնամիներին: Փաստաթղթերից հայտնի է դառնում է, որ Բեն Լադենը հրամայել է իր ներկայացուցիչներին հնարավորության դեպքում սպանել ԱՄՆ-ի նախագահ Բարաք Օբամային եւ ԱՄՆ-ի բանակի գեներալ Դեյվիդ Պետրեուսին: Սակայն նա նախազգուշացրել է, որ զերծ մնան ԱՄՆ-ի փոխնախագահ Ջո Բայդենի սպանությունից, քանի որ "Բայդենը բացարձակապես չի համապատասխանում նախագահի պաշտոնին եւ կնպաստի ԱՄՆ-ում ճգնաժամի խորացմանը":

Ենթադրվում է, որ "Ալ Ղաիդա" խմբավորման եւ Իրանի հարաբերությունները հաշտ չեն եղել: Փաստաթղթերում չկա ոչ մի խոսք այն մասին, որ Պակիստանը, որտեղ ահաբեկիչը 9 տարի ապրել է, աջակցել է Բեն Լադենին: