'Երկիրն ու Երկիրը' - Համաշխարհային կարևորություն ունեցող իրադարձություններն ու դեպքերը` առանց որևէ քողարկման
Հարավային Կովկասում Մոսկվան սկսել է քաղաքական մանևրների նոր շրջափուլ:
Քաղաքական ու պետական վերեւներին հիշելիս` միտքս եկավ մանկական մի ոտանավոր. հեղինակի անունը, ցավոք, չեմ հիշում...
Ներքին խնդիրներ եւ արտաքին հարաբերություններ՝ կառավարության ծրագրի համատեքստում 
'Երկիրն ու Երկիրը' - Համաշխարհային կարևորություն ունեցող իրադարձություններն ու դեպքերը` առանց որևէ քողարկման
'"Երկիր Մեդիան" CNN-ի համար' -
'Ապոլիտիկա' - Քաղաքական գործիչները բացում են փակագծերը բարու ու չարի, կանանց ու սիրո, պատերազմների և խաղաղության մասին:
16:25 . 13/04
Քաջարան գյուղի եւ "Զանգեզուրի պղնձամոլիբդենային կոմբինատ" ՓԲ ընկերության միջեւ ծագած խնդրի վերաբերյալ այսօր հաղորդագրություն է տարածել "ՔՐՈՆԻՄԵՏ Մայնինգ" գերմանական ընկերությունը, որը պղնձամոլիբդենայինի հիմնական բաժնետերն է։
Ընկերությունն իր դիրքորոշումն է ներկայացրել Կառավարության որոշմամբ Սյունիքի մարզի որոշ տարածքների նկատմամբ բացառիկ գերակա հանրային շահ ճանաչելու և այդ տարածքները Կոմբինատին տրամադրելու վերաբերյալ, ինչն առաջացրել է բնապահպանական և այլ ուղղվածության որոշ հասարակական կազմակերպությունների, խմբերի մտահոգությունը:
"Պղնձամոլիբդենային կոմբինատը Հայաստանի առաջատար արդյունաբերական ընկերություն է, որի արտադրանքն իրացվում է արտաքին շուկաներում, ինչի արդյունքում ապահովվում է հանրապետության արտարժույթի ներհոսքի զգալի մասը: Միաժամանակ, արտաքին շուկաներում ձեռք բերված ֆինանսական միջոցները ծախսվում են Հայաստանում` նպաստելով ՀՀ տնտեսության զարգացմանը: Կոմբինատը, ներկայում ունենալով 3200 աշխատակից, Քաջարան քաղաքի համար, ըստ էության, հանդիսանալով քաղաք ձևավորող ձեռնարկություն, իր աշխատակիցների, նրանց ընտանիքի անդամների, ասել է թե, համայնքի բնակչության համար ապահովում է միջին հանրապետականից բարձր կենսամակարդակ: Ավելորդ չենք համարում նաև նշել, որ կոմբինատի կողմից արտադրվող մոլիբդենի խտանյութը ամբողջությամբ վերամշակվում է Հայաստանում` Երևանում գտնվող ձեռնարկությունների կողմից, որոնք իրենց հերթին ունեն շուրջ 1000 աշխատակից:
Այսպիսով. անվիճարկելի է, որ ԶՊՄԿ-ը ինչպես Սյունիքի տարածաշրջանի, այնպես էլ ողջ հանրապետության տնտեսական կայունության և շարունակական զարգացման երաշխիքներից մեկն է: Չնայած սեփականաշնորհումից հետո ստացած ծանր ժառանգությանը, մենք լուրջ ծրագրեր ենք իրականացրել առկա բնապահպանական իրավիճակի ուսումնասիրության և բարելավման նպատակով: Մասնավորապես, փակվել է մոլիբդենի խտանյութի թրծման վնասակար արտադրությունը, մեծածավալ աշխատանքներ են իրականացվել հնացած պոչատարների փոխարինման և պոչամբարների ռեկուլտիվացիայի ուղղությամբ, միջազգային առաջատար ընկերությունների միջոցով կատարվել են առկա հիդրոտեխնոլոգիական շինությունների կայունության և վերակառուցման գնահատումներ:
